Keralasabha December 2017

അത്തി വൃക്ഷത്തിന്റെ ഉത്തരം...

"എന്തുകൊണ്ടാണ്  ഗുരു അന്ന് നിന്നെ ശപിച്ചതു ?" ചോദ്യം അത്തി വൃക്ഷത്തോടായിരുന്നു...
"നിറഞ്ഞു നിൽക്കുന്ന ഇലകളും തടിച്ച എൻ തടിയും ഗുരു നല്കുയതാണ് എന്നു മറന്നപ്പോൾ 'അഹം' എന്ന ഭാവത്തിന്റെ ഫലങ്ങൾ എന്നിൽ മുള പൊട്ടി. അന്നേരം എന്റെ യഥാർത്ഥ ഫലങ്ങൾ പുറപ്പെടുവിക്കുവാൻ ഞാൻ മറന്നു പോയി..."
കണ്ണീരു കായ്ക്കുന്നതായിരുന്നു ആ ഉത്തരം...

അവൻ അത്തി വൃക്ഷത്തെ ശപിച്ചു. അത് സമൂലം വാടി പോയി. (മാർക്കോസ്.11:12-14; 20-24)

ഏവർക്കും ഈസ്റ്റർ ആശംസകൾ...

ഈസ്റ്റർ...

ദൈവം ഭൂമിയിൽ അവതരിച്ചു മരിച് വിധിയെ തോൽപ്പിച്ച ദിവസം. മരണം എല്ലാത്തിന്റെയും അവസാനം അല്ല എന്നു പറഞ്ഞുകൊണ്ട് മരണത്തിനപ്പുറത്തെ നിത്യമായാ ജീവിതത്തിനു ദൈവം തന്നെ നമ്മെ ക്ഷണിച്ച ദിനം. ഒരു കൊച്ചു ചിന്ത മാത്രം:
യോഹന്നാൻ 20:6-7-ൽ പറയുന്നു, കച്ച അവിടെ കിടക്കുന്നതും തലയിൽ കെട്ടിയിരുന്ന തൂവാല ചുരുട്ടി വച്ചിരിക്കുന്നതും അവർ കണ്ടു. ലാസറിനെ ഉയർപ്പിച്ചപ്പോൾ കെട്ടുകൾ അഴിക്കാൻ (യോഹ.11:44) പറഞ്ഞവൻ തന്നെയാണ് സ്വയം ഉയർത്തപ്പോൾ കെട്ടുകൾ ഊരിവച്ചത്. അതെ, ഉയർപ്പ് കെട്ടുകൾ അഴിക്കുന്നതാണ്. ജീവിതത്തെ വരിഞ്ഞു മുറുക്കിയിരിക്കുന്ന കെട്ടുകൾ അഴിക്കാൻ ഉള്ള വിശുദ്ധ ദിനം. അവ ചില പാപങ്ങൾ ആയിരിക്കാം, ദുശീലങ്ങൾ ആയിരിക്കാം, നന്മക്കു എതിരായ എന്തെകിലുമൊക്കെ ആകാം. അവയെ അഴിച്ചു കളയാൻ ഈ ഉയർപ്പുദിനം നമ്മെ സഹായിക്കട്ടെ. സ്വയം അഴിക്കാൻ പറ്റാത്തവ മരണത്തെ തോല്പിച്ചവനെ കൊണ്ട് തന്നെ നമുക്ക് അഴിക്കാം...

നല്ല ദൈവം അതിനായി നമ്മെ അനുഗ്രഹിക്കട്ടെ...

ഏവർക്കും ഈസ്റ്റർ ആശംസകൾ...

-ബ്രദർ ജെയ്‌ജോ തട്ടിൽ

കേരളസഭ (ഇരിങ്ങാലക്കുട രൂപത) ഏപ്രിൽ-2017

പെസഹാ തിരുനാൾ ആശംസകൾ...

പെസഹാ വ്യാഴം...

സ്വയം പകുത്തു നല്കിയവന്റെ ഓർമ്മ ദിനം
ഇതെന്റെ ശരീരം, ഇതെന്റെ രക്തം എന്നു പറഞ്ഞു കൊണ്ട്‌ നമുക്കായ്‌ ഇല്ലാതായവന്റെ ആദ്യ ബലി ദിനം...

ഇ ദിനം നൽകുന്ന ഒരു ഓർമപ്പെടുത്തൽ ഉണ്ട്,

ചിതറി പോകാതെ സ്നേഹത്തിൽ ഒന്നാകാൻ ഒരു ബലി അനിവാര്യം തന്നെ. അവിടെ ബലി വസ്തു ആകേണ്ടത് 'അഹം' ആണ്. 'ഞാൻ' എന്ന ചിന്തയെ ചിതയിലേക്കെറിയണം. അതോടൊപ്പം എന്റെ സ്വാർത്ഥതയും, അഹംഭാവവും, അഹങ്കാരവും. അതിനു ശേഷം നാം കാണുന്ന ലോകത്തിനു മറ്റൊരു മുഖം ആയിരിക്കും. നമുക്കായ്‌ ദാഹിക്കുന്ന, നമ്മുടെ സഹായത്തിനായി കാത്തിരിക്കുന്ന മുഖങ്ങൾ നമുക്ക് മുമ്പിൽ ദ്ര്യശ്യമാകും. അവരിലേക്ക്‌ കടന്നു ചെല്ലുവാൻ അപ്പോൾ നമുക്ക് കഴിയും.

നാളെ ബലിയാകും എന്നു അറിഞ്ഞിട്ടു തന്നെ ആണ് അവിടുന്ന് ഇന്ന് ബലി സ്ഥാപിച്ചത്. അത് ഒരിക്കലും മറക്കരുതെന്നും അവിടുന്ന് ഓർമിപ്പിച്ചു. മറക്കാതിരിക്കാം, മാമോദിസ വെള്ളം ശിരശ്ശിൽ വീണ ഓരോരുത്തനും ബലിയാകുവാൻ വിളിക്കപ്പെട്ടവൻ ആണ്. അതൊരിക്കലും ജീവിത ഇതളുകളിൽ നിന്നും മാഞ്ഞു പോകാതിരിക്കട്ടെ...

പെസഹാ തിരുനാൾ ആശംസകൾ

-ബ്രദർ ജെയ്‌ജോ തട്ടിൽ

വീണ്ടും ഓശാന തിരുനാൾ കടന്നു വരുമ്പോൾ ഓർക്കുവാൻ ഒരു ചിന്ത ...
ഓശാന ഒരു മുന്നറിപ്പാണ്... പെസഹായും ദുഃഖവെള്ളിയും കുരിശുമരണവും അധികം വൈകാതെ കടന്നു വരും എന്ന മുന്നറിപ്പ്... പക്ഷെ അവിടേം കൊണ്ട് അവസാനിക്കുന്നില്ല ഒന്നും... അതുകഴിഞ്ഞു ഒരു ഉയർപ്പുണ്ട്...ജീവന്റെ ദിനങ്ങൾ ഉണ്ട്...വിശുദ്ധ വാരം ഇന്ന് ആരംഭിക്കുമ്പോൾ പ്രതീക്ഷകൾ സമ്മാനിക്കുന്ന ഉയർപ്പിനായി കാത്തിരിപ്പും ആരംഭിക്കാം...

ഓശാന തിരുനാൾ ആശംസകൾ ...

Scala Sancta Logo Intro

He gave me His Loving Heart And I gave Back Him Mine...

Download our new Android App

Download our new Android App: Check out our new Android App ScalaSancta_4570171. Get it here http://www.appsgeyser.com/4570171

Get our Android App

Scan QR code below to get Android App of This Blog:

THE STORY OF HOLY CROSS Krooshil Kandu njan nin snehathe...

Voice & Keyboard: Bro.Jaijo Thattil click for Facebook click for email
Tabala: Bro.Danish Kannampilly click for Facebook
Edit: J Clickz Editing email

വാലന്റയിന്‍സ് ഡേ... ഒരു പുനര്‍വിചിന്തനം

   ബ്രദര്‍ ജെയ്‌ജോ

ഫെബ്രുവരി 14നാണ് വാലന്റയിന്‍സ് ദിനം. ആ ദിനത്തിന് ഒരു ചരിത്രം പറയാനുണ്ട്. വിശുദ്ധ വാലന്റയിന്റെ ധീരരക്തസാക്ഷിത്വത്തിന്റെ കഥയാണത്. റോമന്‍ ചക്രവര്‍ത്തിയായിരുന്ന ക്ലോദിയൂസ് രണ്ടാമന്‍ ഒരു കല്‍പന പുറപ്പെടുവിച്ചു. തന്റെ ഭടന്മാരില്‍ ആരും വിവാഹം ചെയ്യരുത്. അതോടൊപ്പം സ്വയം ദൈവമായി ഉയര്‍ത്തി. ഇനിമേലില്‍ തന്നെ മാത്രമേ റോമന്‍ സാമ്രാജ്യത്തിലെ ഒരു പൂപോലും ആരാധിക്കാവൂ എന്ന മുന്നറിയിപ്പോടെ. വിവാഹം ഭടന്മാരെ മടിയന്മാരാക്കും എന്നായിരുന്നു ക്ലോദിയൂസ് തത്വം. ഇതിനെതിരെ മുന്നോട്ടുവന്ന വ്യക്തിയാണ് ഇന്റ്‌റാമ്‌ന ബിഷപ്പായിരുന്ന വാലന്റെയിന്‍. ദൈവത്തെയും മനുഷ്യരെയും സ്‌നേഹിക്കുവാനുള്ള സ്വാതന്ത്ര്യം മനുഷ്യന് ഉണ്ടെന്നു പറഞ്ഞ അദ്ദേഹം രഹസ്യത്തില്‍ വിവാഹങ്ങള്‍ നടത്തികൊടുത്തു. ഇതറിഞ്ഞ ചക്രവര്‍ത്തി അദ്ദേഹത്തെ കാരാഗൃഹത്തിലാക്കി. ബിഷപ് ഒരു ക്രിസ്ത്യാനിയാണെന്നറിയുകയും അദ്ദേഹത്തിന്റെ അനുയായികളുടെ ബാഹുല്യം കണ്ട് അത്ഭുതപ്പെടുകയും ചെയ്ത ചക്രവര്‍ത്തി ക്രിസ്തീയ വിശ്വാസം ഉപേക്ഷിക്കുവാന്‍ അദ്ദേഹത്തെ നിര്‍ബന്ധിച്ചു. പകരം വലിയ സ്ഥാനമാനങ്ങള്‍ നല്‍കാം എന്ന് വാഗ്ദാനം ചെയ്തു. പക്ഷേ തന്റെ വിശ്വാസത്തില്‍ നിന്നും ലവലേശം വ്യതിചലിക്കുവാന്‍ ബിഷപ് തയാറായില്ല. കോപാകുലനായ ചക്രവര്‍ത്തി മൂന്നു ഘട്ടങ്ങളായുള്ള ശിക്ഷാവിധിയാണ് കല്‍പിച്ചത്. ആദ്യം ക്രൂരമായ് അടിപ്പിച്ചു. തുടര്‍ന്ന് കല്ലുകള്‍ എറിയുവാന്‍ കല്‍പിച്ചു. ഒടുവില്‍ അദ്ദേഹത്തിന്റെ ശിരസ്സ് ഛേദിക്കപ്പെട്ടു. അങ്ങനെ എഡി 270 ഫെബ്രുവരി 14ന് അദ്ദേഹം ധീരരക്തസാക്ഷിത്വം വരിച്ചു. വിവാഹം എന്ന പുണ്യകൂദാശയെ നിരാകരിച്ച ചക്രവര്‍ത്തിയുടെ കല്‍പനയ്ക്ക് എതിരു നിന്നതുകൊണ്ടു കൂടിയാണ് അദ്ദേഹത്തിന് പീഡകള്‍ ഏല്‍ക്കേണ്ടി വന്നത്. ഇത് കണക്കിലെടുത്ത് പരസ്പരം സ്‌നേഹിക്കുന്നവര്‍ക്ക് വേണ്ടിയുള്ള വിശുദ്ധദിനമായി ആദിമകാലം മുതല്‍ ഫെബ്രുവരി 14 ആചരിച്ചുപോന്നിരുന്നു. എന്നാല്‍ ഇന്ന്, ദേഹിമറന്ന് ദേഹത്തെ മാത്രം പ്രണയിക്കുന്നവരുടെ ആഘോഷദിനമായി ആ പുണ്യദിനം രൂപാന്തരപ്പെട്ടിരിക്കുന്നു. റെഡ് റോസിനുവേണ്ടിയുള്ള അഡ്വാന്‍സ് ബുക്കിങ്ങും ഡയറിമില്‍ക്ക് സില്‍ക്കിന്റെ വന്‍ വില്‍പ്പനയും അകമ്പടി സേവിച്ചെത്തുന്ന ദിനമായി ഫെബ്രുവരി 14 മാറി. സ്വന്തം വിശുദ്ധിയും നൈര്‍മല്യവും കാറ്റില്‍ പറത്തികൊണ്ട് അനേകര്‍ ആ പുണ്യദിനത്തിന്റെ മഹത്വത്തെ തരം താഴ്ത്തുമ്പോള്‍ കരഞ്ഞുപോകുന്നവര്‍ അനവധിയാണ്. ആ ലിസ്റ്റില്‍ വഴിതെറ്റിയവരുടെ മാതാപിതാക്കള്‍ തുടങ്ങി സ്വര്‍ഗത്തിലിരുന്നു കരയുന്ന വിശുദ്ധവാലെന്റയിന്‍ വരെയുണ്ട്. ഇന്ന്, പ്രണയത്തിന്റെ ലക്ഷ്യം സ്വാര്‍ഥതയായി മാറിയിരിക്കുന്നു എന്നത് കാലം വരച്ചുകാട്ടുന്ന യാഥാര്‍ഥ്യമാണ്. അവിടെ, അപരന്റെ ജീവനെക്കുറിച്ചോ സമാധാനത്തെക്കുറിച്ചോ ഭാവിയെക്കുറിച്ചോ ഉല്‍കണ്ഠ സൃഷ്ടിക്കപ്പെടുന്നില്ല. പ്രണയം സ്വന്തമാക്കുവാനല്ല, സ്വന്തമാകുവാനും സ്വയം ഇല്ലാതാകുവാനുമാണെന്ന് അറിയാത്തവര്‍ കപടനാട്യക്കാരാണ്.
സ്വാര്‍ഥത കലരാത്ത പ്രണയങ്ങള്‍ ഉണ്ടോ? ഉണ്ട്; ക്രിസ്തുവിനോടുള്ള പ്രണയം. അതിനുള്ള ചില ഉദാഹരണങ്ങള്‍ നമുക്ക് ചുറ്റും തിരിവെട്ടമായി തെളിഞ്ഞു നില്‍ക്കുന്നുണ്ട്. നാം അത് ശ്രദ്ധിക്കാറില്ല എന്നു മാത്രം. സ്വന്തം ഭവനത്തെയും മാതാപിതാക്കളെയും വിട്ടെറിഞ്ഞ് സ്വയം എരിഞ്ഞില്ലാതാകുന്ന വൈദികരില്‍ അത് ദൃശ്യമാണ്, ക്രിസ്തുവിനോടുള്ള സ്വാര്‍ഥത കലരാത്ത പ്രണയം. മിണ്ടാമഠങ്ങളില്‍ അധരം പൂട്ടി സഭയ്ക്കും ലോകത്തിനുംവേണ്ടിയുള്ള പ്രാര്‍ഥനയില്‍ മുഴുകിയിരിക്കുന്നവരിലും ദൃശ്യമാകുന്നത് ഇതേ പ്രണയം തന്നെയാണ്. ചുറ്റുമുള്ളവരില്‍ ഈശോയെ കണ്ട്, സ്വയം മറന്ന്, അവര്‍ക്കായി ഉരുകിതീരുന്ന സന്യസ്തരും ഇതേ പ്രണയത്തില്‍ അലിഞ്ഞില്ലാതാകുന്നു. പൂര്‍ണവിശ്വസ്തതയോടെ പരസ്പരം സ്‌നേഹിച്ചും പ്രാര്‍ഥിച്ചും ഉത്തരവാദിത്വങ്ങള്‍ നിറവേറ്റിയും മുന്നേറുന്ന ദമ്പതികളിലും ദൃശ്യമാകുന്നതും ഇതേ പ്രണയം തന്നെയാണ്. ക്രിസ്തുവിനോടുള്ള പ്രണയമാണ് യാഥാര്‍ഥ്യം നിറഞ്ഞു തുളുമ്പുന്നത്. അവന്‍ ചൂണ്ടിക്കാണിക്കുന്ന പ്രണയപുഷ്പം കാല്‍വരിയിലെ കുരിശാണ്. അവന്‍ രചിച്ച പ്രണയകാവ്യമാകട്ടെ. സ്വയം ഇല്ലാതായ ഒരു സുവിശേഷവും.

Forgive Others...Its the meaning of Christianity !

What is Holy Rosary...A small look...

Holy Mary...Pray for Us...

What is a new year ? (Keralasabha-Jan.2017)